Organisašuvdna


Guktuid váldogádjunguovddážiin lea gádjunjođihangoddi mas leat mielde ovttasbargooassálaččat, ja man jođihit politiijameaštárat geaid ovddasfástádus lea Bodeadju ja Sola. Jođihangotti stáhtalaš váldu ovttasbargooasálaččaid ovddasteaddjit galget leat Suodjalusas (Forsvaret), Áibmojohtolatbearráigeahčus (Luftfartstilsynet), Kystverket, Mearrajohtolatdirektoráthas (Sjøfartsdiektoratet), Nášunála kommunikašuvdnaeiseválddis (Nasjonal kommunikasjonsmyndighet), Dearvvašvuođadirektoráhtas (Helsedirektoratet) ja Servodatsihkkarvuođa ja gearggusvuođa direktoráhtas (Direktoratet for samfunnssikkerhet og beredskap).

Organisašuvdnakarta
Organisašuvdnakarta

Čuovvovaččaide fállojuvvo sadji gádjunjođihangoddái vuogi mielde man Justis- ja gearggusvuođadepartemeanta mearrida: Avinor, Telenor Maritim Radio, Eaktodáhtolaš organisašuvnnaid Gádjunfágalaš Forum (FORF) ja Gádjunsearvi (Redningsselskapet).

Politiijameašttir gean ovddasvástádus lea Bodeadju, jođiha Davvi-Norgga Váldogádjunguovddáža, ja Politiijameašttir gean ovddasvástádus lea Sola, jođiha Mátta-Norgga Váldogádjunguovddáža.

Váldogádjunguovddážiin leat virgáduvvon olbmot hálddahuslaš ja operatiiva doaimmaide. Ossodatdirektevra lea váldogádjunguovddáža beaivválaš jođiheaddji politiijameaštára fápmudusain.

Go gádjunjođihangoddi ii leat gohčohallan, de gádjunjođiheaddjit dábálaččat jođihit ja koordinerejit gádjunakšuvnnaid politiijameaštára fápmudusain.