Ovddasvástádusguovlu


Gádjunbálvalusa geográfalaš ovddasvástádusguovlu lea Norgga teritorium oktan Svalbarddain, ja lassin mearra- ja áhpeguovllut ja áibmu bajábealde, man Norga lea mearridan ovttasráđiid siidaguoibmeriikkaiguin riikkaidgaskasaš soahpamušaid vuođul, mas Norga lea geatnegahttán iežas leat gádjunbálvaleaddjin.

Guovllu viidodat lea 57 grádas davvin, Skagerrakas, gitta 90 grádii davvin (Davvipola). Oarje-Nuorta ávssisa rádjá lea Greenwich-meridiána, Davvimearas muhtin muddui heivehuvvon oljodoaimmaid ektui, gitta sullii 35 grádii nuortan olggobealde Várjjaga.

Riikkaidgaskasaš gádjunovttasbarggu soahpamušat geatnegahttet Norgga bálvalit maiddái olggobealde namahuvvon geográfalaš ovddasvástádusguovllu.

Fágalaš ovddasvástádusguovlu
Ovddasvástádus lea vuosttamuššan gádjut olbmuid heahtedilis. Doaimmat gáhttet birrasa ja materiálalaš árvvuid, eai leat almmolaš gádjunbálvalusa ovddasvástádus. Ii ge leat eastadandoaibma gádjunbálvalusa ovddasvástádus, muhto systematiseret vásáhusaid mat juogaduvvojit eastadeami várás. Sierra lágain lea mearridan ahte gullá politiijaide ohcat duššan olbmuid.

Lea Váldogádjunguovddážiid ovddasvástádus bearráigeahččat báikkálaš gádjunguovddážiid.

Lea maiddái Váldogádjunguovddážiid erenoamáš ovddasvástádus leat láidesteaddjin dasa ahte bisuhit ja ovdánahttit gádjunbálvalusa ovttasbarggu.